А нашата приказна започна во 1988 година, како семеен бизнис на охридската фамилија Пендови. Низ годините ресторанот „Св. Софија“ растеше, се надградуваше и го зголемуваше својот капацитет и персонал, достигнувајќи стандарди кои се репер за квалитет. Локациjа и Капацитет Сместен помеѓу сокаците од калдрма од која се’ уште одекнува ехото на војската на царот Самуил кој во X век во Охрид изградил крепост каде го наоѓал својот мир помеѓу битките во кои го покорил Балканот пркосејќи и на моќната Византија, ресторанот „Св. Софија“ е одлично место за сите сите сладокусци со префинет вкус. Препознатлив е по рибните специјалитети и исклучително богатата винска карта со најквалитетни вина од македонското поднебје. Капацитетот на ресторанот кој извонредно се вклопува во историскиот амбиент на стариот дел на градот, е околу 100 седишта. Дополнително тој располага и со отворена летна тераса. Ресторанот „Св. Софија“ е идеално место за дружење со пријателите или семејството, за деловни средби и интимни веселби. Традициjа Ресторанот „Св. Софија“ е и верен чувар на традицијата. Да се биде тука за празникот Богојавление – Водици е посебно доживување. Од ова место започна возобновувањето на препознатливата охридска традицијата за овој празник кој прерасна во голема манифестација која денеска е позната не само во Македонија, туку и надвор од неа. Да се биде во ресторанот „Св. Софија“ не е само култура на живеење, туку и привилегија. Препуштете им се на чувствата и уживајте во автентичниот дух на Охрид.
